Со договорот на политичките партии за спроведување на изборите на 11 декември и со почетокот на одбројувањето 100 дена до тој датум, се почитува договорено, како и договорот од јуни-јули минатата година, вели еврокомесарот за проширување, Јоханес Хан, за Радио „Слободна Европа“.
Тој истакнува и дека со изборите не завршува реформскиот процес во Македонија.
– Мислам дека сега сфатија оти се наоѓаат на сериозна точка од развојот на земјата. Но, не се работи само за изборите, туку треба да се имплементираат и итните реформски процеси. Изборите се важни бидејќи тие може да бидат завршеток на одредена фаза, но со нив не се става крај на неопходниот реформски процес и тоа е нешто за кое ние треба да ги потсетуваме сите во земјата – изјави Хан.
