Me marrëveshjen e partive politike për mbajtjen e zgjedhjeve më 11 dhjetor dhe me fillimin e numërimit të 100 ditëve deri në këtë datë, po respektohet marrëveshje, bëri të ditur euro- komisari për zgjerim, Johanes Han për “Radio Evropën e Lirë”.
Ai shton se me zgjedhjet nuk përfundon procesi reformues në Maqedoni.
“Mendoj se tani kanë kuptuar se gjenden në pikë serioze të zhvillimit të vendit. Por, nuk bëhet fjalë vetëm për zgjedhje, por se duhet të zbatohen edhe proceset urgjente reformuese. Zgjedhjet janë të rëndësishme sepse ato mund të jenë përfundimi i fazës së caktuar, por me to nuk i vihet fundi proceseve reformuese dhe kjo është diç që duhet ta dinë të gjithë në shtet” deklaroi Han.
