Средба со претседателот на Европската народна партија (ЕПП), Жозеф Дол, кој е и лидер на најбројната политичка групација во Европскиот парламент, ќе има денеска премиерот Никола Груевски.
Се очекува тие да разговараат за повеќе актуелни теми, прашања од интерес за Република Македонија и за нејзините евроинтеграции.
Премиерот Груевски денеска во Брисел ќе учествува и на редовниот Самит на Европската народна партија, на кој учествуваат шефовите на партии и политички лидери од европската десница, меѓу кои и првите луѓе на Европската комисија и на Европскиот совет, Жан-Клод Јункер и Доналд Туск.