Претседателот на ВМРО-ДПМНЕ, Никола Груевски, денеска се сретна со британскиот министер за Европа, Дејвид Лидингтон.
На средбата соговорниците разговарале за повеќе актуелни теми поврзани со соработката и со стратешките интереси, со претстојните избори, нивното спроведување, како и со глобалните предизвици во однос на мигрантската криза.
„Груевски посочи дека приоритет се организирање и спроведување на слободни и демократски избори, на кои граѓаните во демократски амбиент ќе одлучат за иднината на државата. Тој истакна дека за остварување на ваквата цел потребен е ангажман на сите чинители вклучени во самиот процес и нивен конструктивен пристап. Груевски подвлече дека изборите ќе значат излез од наметната политичка криза, по што институциите ќе го добијат потребниот капацитет за продолжување на реформите кои значат системско унапредување, подигнување на стандардот и решавање на проблемите на граѓаните“, се вели во соопштението на ВМРО-ДПМНЕ.
Груевски ги афирмирал и стратешките интереси за членство во НАТО и во Европската Унија.