Денеска од 11 до 13 часот и од 18 до 20 часот, поради штрајк на грчките земјоделци, со поставување земјоделски машини и трактори во близина на граничните премини Ники (Меџитлија) и Дојрани, сообраќајот ќе биде во целосен прекин при влез и при излез од Република Грција, информира Автомото-сојузот на Македонија.
Сообраќајот на сите државни патишта се одвива без забрани и застои, по на места влажни коловози.
Поради појава на магла до 50 метри видливост има на патните правци Скопје – Катланово, Скопје – Миладиновци, Катланово – Скопје, Македонски Брод – Кичево и од 100 до 150 метри видливост има на патниот правец Катланово – Велес.