На градските гробишта во Гостивар, со високи државни почести, попладнево беше погребан Горан Илиески-Мече, кој загина во антитерористичката акција на безбедносните сили во Куманово, како припадник на единиците за брзо распоредување. Река народ му оддаде последна почит на загинатиот бранител, кој беше погребан со највисоки почести.
– Неизмернa е тагата и болката за твојата трагична и прерана смрт, која кај нас предизвика чуство на огромна тага и неспокој – изјави еден од колегите на Илиевски.
Илиевски имаше 41 година, беше оженет и татко на малолетно дете. Во Министерството за внатрешни работи бил вработен во 2002 година.
Од вкупно осум загинати полицајци, четворица се од полошкиот регион.
Вчера на градските гробишта во Тетово, со државни и со воени почести, беше погребан 32-годишниот полицаец Сашо Самојловски од Тетово. На гробиштата во Брвеница, роднини, колеги и пријатели се простија од 32-годишниот Жарко Кузмановски од Брвеница, а во гостивараското село Зубовце, беше погребан и 28-годишниот Ненад Серафимовски.
