Регулаторната комисија за енергетика и водни услуги денеска донесе одлука за зголемување на цените на горивата за 1,5 денари по литар, правдајќи ја одлуката со зголемувањето на цените на светските берзи.
Одлуката стапува на сила на полноќ, и од првата минута на утрешниот ден, максималните цени на горивата ќе изнесуваат 86,5 денари за литар бензин Еуросупер БС-95, 88,5 денари за литар бензин Еуросупер БС-98, додека дизелот ќе може да се набави за 81 денари за литар.
Екстра-лесното масло на бензинските станици ќе се продава по цена од 80,5 денари за литар, додека мазутот М-1 НС ќе чини 46,592 денари за килограм.
