Пред половина час започна да гори галијата од „Скопје 2014“ која се наоѓа спроти хотелот „Холидеј Ин“ на кејот на Вардар. Во моментов пожарникарски екипи пристигнале на терен и почнале да го гасат пожарот. Засега останува неизвесно е од што тој е предизвикан.
Кога беше во функција, во овој објект имаше ресторан, но долго време веќе не е во употреба. Инаку ова не е прв пат да има пожар во истиот брод, истото се случило и пред две години, а Град Скопје во периодот на градоначалникот Петре Шилегов започна и процедура за рушење на оваа галија.
Повеќе информации во врска со причините за пожарот очекуваме во текот на денот.