fbpx

Големите поплави и пукањето на брани во Либија однесоа над 2.000 човечки животи

Однесени од пороите биле цели населби во повеќе крајбрежни гратчиња на истокот на земјата

-

Медитеранската бура „Даниел“ предизвика катаклизмични поплави во Либија и пукање на брана, а се стравува дека досега животите ги загубиле над 2.000 луѓе. Однесени од пороите биле цели населби во повеќе крајбрежни гратчиња на истокот на земјата, јави Асошиејтид Прес.

Најголемо опустошување се случило во Дерна, градот со кој претходно управуваа исламските екстремисти во судирите и граѓанската војна што се одвиваат во оваа северноафриканска земја повеќе од една деценија. Либија и сега е поделена меѓу две ривалски администрации, една на истокот, другата на западот на земјата.

Во Дерна, град чија инфраструктура е во распад, се стравува дека загинале неколку илјади луѓе, а уште на многу илјади луѓе не им се знае судбината по пукањето на две брани на југот од градот. Регионот е сè уште непристапен, а според некои видеозаписи, цели населби се буквално однесени од поплавниот бран. Станбени повеќекатници се срушени.

Остатоците од бурата која беснееше во северниот дел на Либија полека се движат кон северот на Египет. Таму во следните два дена се очекува да има врнежи кои ќе достигнат до 50 милиметри, во регион кој просечно има врнежи од помалку од 10 милиметри во текот на цел септември.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Владата одлучи професионалните возачи побрзо да добијат пасоши

Министерот за транспорт и врски денеска по владината седница се пофали дека владата донесе одлука за воспоставување на брза лента за издавање на патни документи за сите професионални возачи. Како...