Адријана Јаневска ја испеа химната на Македонија на почетокот на протестот на Граѓанското движење за одбрана на Македонија (ГДОМ), кој вечерва се одржа пред Собранието на Република Македонија.
Аналитичарот Александар Пандов истакна дека тие ќе поднесат барање до Уставниот суд за привремено да се сопре работата на граѓанските организации, фондации, невладини организации и партии „кои ја уриваат Македонија“.
По обраќањето на Тони Михајловски, Сузана Спасовска запеа и Ние деца на Македонија сме #ГДОМ pic.twitter.com/1M9njBbOkd
— META.mk (@meta_agency) April 21, 2016
Актерот Тони Михајловски ги поздрави граѓаните, порачувајќи дека се собрани 70.000 луѓе и оти се спремни и животите да ги положат за Македонија.
– Македонија не е само букви, таа е крв. Само да го отвори прозорецот на Бихачка ќе чуе, уууу. Еднаш да тропнеме, ќе му се истури кафето. Но, ние не сме собрани тука со фантомки, тука сме за на мирен начин да го решиме проблемот – рече Михајловски, додавајќи дека еднаш им го зеле сонцето, но ова нема да го дадат.
Адријана Јаневска ја испеа химната на почетокот на протестот на #ГДОМ pic.twitter.com/abFr35rCva
— META.mk (@meta_agency) April 21, 2016
На крајот на протестот, кој заврши со Сузана Спасовска и со песната „Земјо македонска“, од ГДОМ порачаа дека изборите мора да се одржат на 5 јуни „за крај на хулиганство и на деструкцијата“.