Едно лице го загуби животот, а уште четири се повредени во тешка сообраќајна несреќа кај Струга, во близина на „Еврохотел“. Нeсреќата се случила синоќа, околу 20 часот, на регионалниот пат Струга – Охрид.
Тројца од повредените се префрлени во болницата „Св.Еразмо“, а едно лице е задржано во градската болница во Струга.
На местото на настанот извршен е увид во присуство на јавен обвинител.
До несреќата дошло кога патничко возило „фиат караван“ со кичевски регистарски таблички, од засега непознати причини, излетало од патот, информираше портпаролот на СВР Охрид, Стефан Димовски.
