Партијата Демократската обнова на Македонија (ДОМ) денеска го повика Министерство за надворешни работи да даде одговор какво решение е договорено за бегалската криза.
Портопаролот на ДОМ, Тони Ристов, на прес-конеферцијата рече дека треба да се понудат сериозни и хумани решенија, кои ќе бидат во согласност со меѓународните конвенции за бегалци и за раселени лица. Тој рече дека бегалската криза е глобален проблем и оти поради тоа мора да се најде глобално решение со посредство на Обединетите нации.
Портпаролката на ДОМ, Маја Морачанин, пак, оцени дека треба да се спроведе еден вид Маршалов план за сиромашните земји, што би значело прераспределба на богатството и намалување на огромните разлики меѓу богатите и сиромашните.
