Основното јавно обвинителство за гонење организиран криминал синоќа соопшти дека ја завршило проширената истражна постапка за настаните во „Диво Насеље“ од 9 и од 10 мај минатата година. Станува збор за истрага против седум македонски државјани, осомничени за кривичните дела терористичка организација и тероризам.
Во соопштението се наведува дека до одбраната е доставено известување за законскиот рок во кој одбраната може да изврши увид во доказите.
Обвинителството во октомври минатата година соопшти дека врз основа на прибавените докази и на преземените дејства од истрагата, ја прошири истражна постапка за уште седум македонски државјани на кои им беше одредена мерка притвор.
