Краткиот расказ на Гогољ „Дневникот на лудиот“ премиерно ќе биде изведен на малата сцена на Центарот за култура во Битола на 10 јуни (среда) во 20 часот.
Оваа драма е најавена како моноопера во режија на битолчанецот Марјан Неќак, кој воедно ја изработи и музиката и сценографијата.
Драмата ја изведува гостинот од Хрватска, Озрен Грабариќ, а видеоподлогата ја изработи Марин Лукановиќ.
– Тргнуваме од фактот дека операта е импулсот во самата претстава, тоа е современа опера која во себе носи многу музучки стилови. Оваа претстава дава еден поинаков импулс на публиката, невообичаен за овие простори – рече Неќак.
Претставата ќе биде изведена на англиски и на шпански јазик со превод на македонски.
– Во оваа претстава се служиме со музиката како средство на изразување, таа форма за мене е силен медиум. Tака полесно доаѓаме до оние скриени работи во нас – рече актерот Грабариќ.
