Државната изборна комисија за денеска закажа седница на која, меѓу другото, ќе се разговара и за досегашните активности на експертската ИТ-група за процесите на внесување, нормализирање и на чистење на базите на податоци добиени од институциите.
По оваа точка членовите на ДИК ќе расправаат и за предлог-планот за проверки и за вкрстени проверки на различни бази на податоци и евиденции, а за ажурирање на избирачкиот список, а последна точка на дневниот ред е заклучок за објавување на избирачкиот список на веб-страницата на Државната изборна комисија.