Бомбашот-самоубиец, кој во нападот на свадба во турскиот град Газиантеп уби 51 и повреди 100 лица, бил дете на возраст меѓу 12 и 14 години, информирал турскиот претседател Реџеп Таип Ердоган, а пренесуваат светските медиуми.
На местото на нападот денеска биле пронајдени остатоци од експлозивот, јавуваат локалните медиуми.
Ердоган исто така изјавил дека, не прави разлика меѓу муслиманскиот проповедник во егзил Фетулах Гулен, кого го обвинува дека го организирал неуспешниот пуч на 15 јули, Работничката партија на Курдистан и организацијата Исламска држава, која според него, најверојатно стои зад овој напад.
