Повеќе дестици луѓе загинале во напад на Боко харам на село во близина на Маидугури, на североистокот од Нигерија, соопштија војската и локалните власти.
Нападот се случил вчера, на 12 километри од Маидугури, а исламистите го запалиле целото село.
Локалните жители наведуваат дека убиени се најмалку 50 лица.
Воениот портпарол потврди дека голем број луѓе загинале и дека има многу повредени.
Групата Боко харам убила повеќе од 1.000 цивили откако вооружено се побуни против владата на Нигерија во 2009 година.
