Дебарчанецот М.Х. (39) заработи кривична пријава од полициската станица од Дебар, поради постоење основи за сомневање дека дал поткуп.
Пријавениот, на двајца вработени во Агенцијата за финансиска подршка во земјоделството и руралниот развој на Република Македонија, им дал една банкнота од 50 евра, при контрола-супервизија на земјоделска површина посеана со пченка, луцерка и со граор, за кои пријавениот до Агенцијата имал поднесено барање за субвенционирање.
М.Х. знејќи дека има разлика помеѓу посеаните земјоделски површини наведени во негово барање за (46.967 квадратни метри) и фактички посеаните земјоделски површини (37.034 квадратни метри), на службените лица од Агенцијата им дал 50 евра со напомена дека сака да ги почасти ручек, а контролата да биде во ред.