Нема закани за безбедноста на Њујорк, изјави градоначалникот на Њујорк, Бил де Блазио, по предупредувањето на Исламска држава дека најнаселениот град во САД е потенцијална мета на напади слични на тие во Париз.
– Нема конкретна закана за Њујорк – изјави Де Блазио, повикувајќи ги жителите на градот да не се тревожат и да продолжат со нормалниот живот.
ИД во последната видеопорака прикажа кадри од Тајмс сквер и од Хералд сквер, заедно со инсерти од Париз и од францускиот претседател Франсоа Оланд.
Градоначалникот на Њујорк истакна дека градот има 35.000 полицајци кои се грижат за безбедноста, како и новата команда за брз одговор, која се справува со потенцијалните терористички активности.
