Од вкупно 29 пожари на отворен простор во текот на изминатото деноноќие, во моментов активни се пет, три се ставени под контрола, додека 21 се изгаснати, информираа од Центарот за управување со кризи (ЦУК).
Сè уште е активен пожарот кај селата Тажево и Брезница, крак кон Јасен во Општина Македонски Брод.
Уште гори и на Илинска Планина, село Базерник во Демир Хисар, а активни пожари има и во пробиштипско – села Зелениград и Јамиште, гевгелиско – село Фурка кон Каравалија, и во Општина Студеничани – села Драчевица – Црвена Вода, место викано Теман Бука.
Под контрола се ставени пожарите кај селото Косел во охридско, во Богданци и во Општина Пласница – село Латово.
