Бројот на загинатите во силната експлозија што утрово одекна во центарот на Истанбул, во близина на автобуската станица, се искачи на 11 лица. Загинаа седум полицајци и четири цивили, а повредени се 36 лица, соопштија официјални лица.
https://twitter.com/enginozer_tr/status/740067577410523136
Автобус со полицајци бил мета на бомбашкиот напад во истанбулската област Везнечилер. Нападот се случил во раните утрински часови, во време на најголемиот метеж во близина на историскиот дел на градот.
Засега никој не ја презема одговорноста за нападот, а неодамнешните напади во Турција ги изведоа припадници на Исламска држава, курдски екстремисти, како и припадници на радикалната левица.