Амбасадата на Британија испрати соопштение, во кое се вели дека обвиненијата за Заев се многу сериозни и од основна важност е сите институции да ги почитуваат принципите на правото и притоа да се исполнат највисоките меѓународни стандарди.

„Обединетото Кралство ги прими со загриженост информациите за покренувањето обвиненија против Зоран Заев. Од основна важност е, како и во секој судски случај, сите институции во Македонија да ги почитуваат принципите на владеење на правото, вклучително и презумпцијата на невиност, и да ги исполнат највисоките меѓународни стандарди во процесот. Обединетото Кралство, исто така, изразува загриженост за влошувањето на политичкиот дијалог во земјата и ги повикува политичките партии да направат сè што можат за да се подобри состојбата“, соопштуваат од амбасадата.