fbpx

ЦИВИЛ: Неприфатлива е политичката злоупотреба на работничките права

-

Овој ден е посветен на работничкиот протест и на гласните барања да се подобрат условите за работа и почитувањето на достоинството и правата на работничките и работниците, порача ЦИВИЛ – Центарот за слобода, во соопштението по повод Денот на работниците.

Од таму велат дека синдикатите, граѓанските организации и политичките партии имаат обврска да покажат далеку повеќе искреност и посветеност во борбата за социјална правда и работнички права.

„Од исклучителна важност за правата на работничките и работниците се синдикатите кои ги застапуваат работничките права. Во контекст на состојбите и настаните во нашата земја, ЦИВИЛ ја алармира јавноста, а особено работничките и работниците за политичката злоупотреба на работничките права. Неприфатлива е спрегата во која дел од синдикатите и синдикалните лидери се ставени во функција на политичките амбиции на партиите и нивните лидери“, велат од ЦИВИЛ.

ЦИВИЛ ги повика политичките партии, Владата и Собранието да работат на дополнително менување на законите во полза на работничките права и нивно доследно спроведување. Додаваат дека кризите не смеат да бидат изговор за намалување на правата, туку нивно унапредување на сметка на дебелите профити на капиталистите.

„Голем дел од работничките и работниците во Северна Македонија живеат и работат во тешки услови, неретко без основни средства за заштита при работа, а се чести жртви на мобинг на работното место. Жените работнички и самохраните мајки се во уште потешка положба“, велат од ЦИВИЛ.

Политиките и практиките за подобрување на состојбите во доменот на социјалната правда треба да продолжат и да се засилат и во таа насока сите чинители во општеството се повикани на солидарност и соработка, а не на политички опструкции.

„Потребно е вклучување на целото општество: охрабрување на жртвите на кршењето на работничките права да го пријават секој случај на кршење на работничките и човековите права; синдикатите да се реформираат и целосно да се насочат кон вистинска заштита на работничките права; граѓанското општество и медиумите имаат важна улога во заштитата на човековите, а со тоа и на работничките права“, додаваат од ЦИВИЛ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...