Грчките земјоделци чекаат да се врати премиерот Алексис Ципрас за да се обидат да почнат преговори со грчката влада околу нивните барања за укинување на одлуката за намалување на пензиите и за укинување на земјоделските субвенции.
Додека Ципрас се врати од Брисел, земјоделските блокади продолжуваат, а Грција останува поделена на два дела поради големата блокада на преминот Темпи кај Лариса.
Со ист интензитет како и изминатите четири недели и денеска продолжува блокадата на граничните премини кон Македонија. Земјоделците ќе го држат затворен преминот Богородица до 14 часот и од 19 до 22 часот.
Дојран ќе биде блокиран од 17 до 21 часот. Преминот кај Битола, Меџитлија, како и грчко-албанската граница се блокирани од 10 часот утринава и ќе бидат блокирани 12 часа.
