Амбасадорот на САД во Македонија, Џес Бејли, денеска на својот твитер-профил, за одлуката на претседателот Ѓорге Иванов да ги запре сите судски процеси што се водат против политичари во Македонија, рече дека е процес кој ги штити корумпираните политичари.
Тој напиша: „Општо помилување без судски процес ги штити корумпираните политичари и нивните соработници. Да им дозволиме на Специјалното јавно обвинителство и на судовите да си ја завршат својата работа“.
A blanket pardon w/o due process protects corrupt politicians and their associates. Let #SPO and courts do their jobs.
— U.S. Ambassador to North Macedonia (@AmbBaily) April 13, 2016
Вчера Амбасадата на САД во земјава изрази загриженост поради одлуката на претседателот Иванов.
„Чекаме понатамошни детали и појаснувања. Меѓутоа, изјавата на претседателот предизвикува сериозна загриженост за посветеноста на Македонија на владеењето на правото“, стои во реакцијата на Амбасадата на САД.
