Сирискиот претседател Башар ал Асад изјави денеска дека неговиот регионален сојузник Иран, по склучувањето на договорот со светските сили, ќе го зголеми заложувањето за „праведни цели“ и ќе ја зголеми поддршката на Дамаск во борбата против бунтовниците.
Техеран испрати воени советници во Сирија, а борците од групата Хезболах и другите полицајци се вклучија во судирите на страна на Асад, против сунитските џихадисти и бунтовници.
Асад, исто така, оцени дека договорот од Виена за иранската нуклеарна програма е „голема пресвртница“ во историјата на Иран, регионот и на светот.
Иранскиот претседател Хасан Рохани изјави дека Иран и понатаму ќе го поддржува сирискиот народ и легалните власти.
