Австрија денеска објави дека го проширила списокот на сигурни земји за баратели на азил, на која се додадени Алжир, Грузија, Гана, Мароко, Монголија и Тунис.
На списокот се наоѓаат БИХ, Косово, Хрватска, Македонија, Црна Гора, Србија и Албанија.
Лицата што бараат азил, а потекнуваат од земјите кои се на листата, ќе добијат решение во рок од 10 дена, за разлика од барателите на азил од Сирија и од другите земји зафатени со војна, кои ќе се разгледуваат со месеци.
Шефицата на австриската дипломатија, Јоана Микл-Лајтнер, рече дека одлуката е обид да се ограничи доаѓањето на тие што своите земји ги напуштиле поради економски причини.
– Потребен е јасен сигнал дека тие нема да уживаат заштита во Австрија – рече таа.
