fbpx

Повеќе од милион луѓе во 2023 година барале азил во Европа

Во бројките на Агенцијата за азил на Европската комисија не се вклучени 4,4 милиони Украинци кои побараа засолниште во Европа од нападите на Русија

-

Минатата година повеќе од еден милион луѓе побарале азил во 27. земји на Европската Унија, Норвешка и Швајцарија, објави Агенцијата за азил на Европската комисија, а пренесе германската новинска агенција ДПА.

Околу 1,14 милиони барања се за 18 отсто повеќе од претходната година, наведува агенцијата во својот годишен извештај. Најчести баратели биле бегалците од Сирија, а потоа од Авганистан.

На крајот на годината, во месеците по избувнувањето на војната во Појасот Газа, во Европа бил забележлив зголемен прилив на палестински бегалци.

Германија била главна дестинација на барателите на азил во 2023 година, со 334.000 апликанти.

Минатата година 996.000 луѓе побарале азил во Европа. Тоа е значително помалку отколку во 2015 и 2016 година. Тогаш, главно преку балканската рута, во Европа пристигнале 1,4 и 1,3 милиони бегалци.

Во бројките на Агенцијата не се вклучени 4,4 милиони Украинци кои побараа засолниште во Европа од нападите на Русија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Со хеликоптерска помош ренџери гасат пожар на Шара

На територијата на Национален Парк „Шар Планина" има активен пожар при што гори букова шума, ливади и меѓни стебла во приватни имоти, известуваат од Центарот за управување со кризи...