fbpx

Ангеловска-Бежоска: НБРМ ги следи понудите на банките за промена на условите за кредитите

-

Очекуваме да дојде до олеснување на финансиските услови и за граѓаните и за корпоративниот сектор. Токму тоа и беше цел на измените на регулативата за работењето на банките, кои што ги донесовме, истакна гувернерката Анита Ангеловска-Бежоска во вчерашното издание на емисијата „Клик плус“ на „ТВ 21“.

„Очекуваме банките активно да ги имплементираат можностите од регулаторните измени. Народната банка ги следи и ги анализира понудите за промена на договорните услови за кредитите, кои што се објавуваат деновиве,“ рече Ангеловска-Бежовска.

Таа повотори дека корона вирусот е голем шок кој што е од неекономска природа, кој може да има големи ефекти врз економијата.

„Имајќи го предвид тоа, реално е да се очекува забавување на кредитната, а следствено и на депозитната активност во претстојниот период од оваа година,“ додаде Ангеловска-Бежовска.

Народната банка, како што беше соопштено и во емисијата, веќе активно работи на новиот циклус макроекономски проекции. Ангеловска-Бежоска кажа дека имајќи ги предвид последните расположливи податоци, но и условите и неизвесноста кои што ги наметнува глобалната корона криза ќе се направи позначајна ревизија на претходните очекувања за економските состојби во оваа година, вклучително и на проекцијата за економски раст.

Како што посочи, според меѓународните финансиски институции, веќе се очекува позначајно забавување и на економската активност во глобални рамки, вклучително и во Европската унија, а со тоа и во германската економија каде што е сконцентриран голем дел од нашиот извоз.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...