Американскиот амбасадор во ОБСЕ, Даниел Баер, изрази загриженост за политичките тензии во земјава.
– САД продолжуваат со големо внимание и со загриженост да го следат развојот на настаните во Македонија и ги повикуваат властите да искажат посветеност на владеењето на законот, почит кон слободата на изразување и кон интегритетот на демократските процеси во Македонија – порачува Баер.
Американскиот амбасадор на ОБСЕ ги повикува политичките лидери да побараат совет и помош од Организацијата за безбедност и соработка на Европа, од Секретаријатот на оваа организација и од другите структури, во исцртување на планот кон напредокот.
