Сите потписници на Договорот од Пржино треба да учествуваат во усвојувањето на вечерашната одлука во Собранието, порача лидерот на ДУИ, Али Ахмети, по средбата со европратениците, Иво Вајгл, Ричард Ховит и Едвард Кукан.
Според Ахмети, би било грешка да се донесе одлука без учество на сите страни.
– Секако, и во овој случај, фанатично го браневме Договорот во интерес на неговото исполнување. Сметаме дека сите страни потписнички треба да бидат учесници во актот за усвојување на вечерашната одлука во Собранието – истакна Ахмети, додавајќи дека ДУИ неколкупати ги има сменето своите ставови, но само во интерес на продолжувањето на евроатлантската интеграција на земјата.
