Лидерот на Демократската унија за интеграција денеска, во седиштето на ЕУ во Скопје, се сретна со комесарот за добрососедска политика и преговори за проширување на ЕУ, Јоханес Хан.
Фокусот на средбата, како што се наведува во соопштението од ДУИ, биле политичките случувања во Македонија, масивната афера со прислушувањето, решавањето на спорот за името и евроатланската интеграција.
Ахмети ја поздравил идејата на Хан за вклучување на властите од Брисел за надминување на тешката ситуација во земјата.
– Политичкиот дијалог мора да се обнови значително и да се интензивира. ДУИ го поддржува овој процес и ги повикува страните да го решат ова прашање на транспарентен начин и со внимание кон заедничкото добро на земјата – рекол Ахети.
Ахети ја поздравил подготвеноста на Хан да разговара со Метју Нимиц за да се најде начин за решавање на спорот за името.
– Фокусот на евроатлантската агенда не смее да се одложи и заедно со меѓународната заедница, сите сили треба да ги сконцентрираме во решавањето на спорот за името, членство во НАТО и почеток на преговорите за членство во ЕУ – рекол Ахмети.
