Агенцијата за цивилна одбрана на Газа, управувана од Хамас, соопшти дека при израелски воздушен напад врз училишна зграда каде се засолниле раселени Палестинци, загинале речиси 100 луѓе.
Портпаролот на израелските одбранбени сили (ИДФ) изјавил дека училиштето Ал Табаин „служело како активен воен објект на Хамас“ со приближно 20 „милитанти“ кои дејствувале таму, објавува Би-би-си.
Агенцијата за цивилна одбрана во Газа соопшти дека најмалку 90 луѓе загинале, а десетици се повредени.
Израел нападна неколку такви засолништа во Газа во последните недели.
Портпаролот на одбранбената агенција предводена од Хамас, Махмуд Басал, рече дека три израелски ракети го погодиле училиштето во кое се сместени раселените Палестинци, при што загинале „помеѓу 90 и 100“ луѓе.
Тој ја опиша сцената како „ужасен масакр“ и додаде дека екипите се обидуваат да го контролираат пожарот со цел да ги спасат ранетите и да ги извлечат телата.
Министерството за здравство на Хамас не ги потврди бројките.
Израелската војска соопшти дека „прецизно ги погодила терористите на Хамас кои дејствувале во командниот и контролниот центар на Хамас, вграден во училиштето Ал Табаин“.
