Платформата за социјални медиуми Икс, поранешен Твитер, планира да лансира видео и аудио повици, а сопственикот на Икс, Илон Маск, се трка да изгради „апликација за сè“ за да остане пред конкуренцијата на Тредс (Threads) во сопственост на платформата Мета, пишува Ројтерс.
Маск преку статус на Икс соопштува дека на корисниците нема да им треба телефонски број за функциите што ќе бидат достапни на Епл, Андроид и на персоналните компјутери.
Video & audio calls coming to X:
– Works on iOS, Android, Mac & PC
– No phone number needed
– X is the effective global address bookThat set of factors is unique.
— Elon Musk (@elonmusk) August 31, 2023
Откако го ребрендираше Твитер во Икс, Маск објави дека има за цел да ја претвори платформата во супер апликација која нуди низа услуги, од пораки и социјално вмрежување до меѓусебни плаќања.
Во својот статус на Икс, Маск тврди дека платформата ќе претставува „ефективен глобален адресар“.