По скопскиот булевар Илинден, колона граѓани се упатуваат кон салата „Борис Трајковски“ каде денеска напладне, ВМРО-ДПМНЕ организира трибина.
Репортерот на „Мета“ забележа и автобуси кои се паркирани покрај булеварот Партизнски одреди, а кои носеле членови на ВМРО-ДПМНЕ и граѓани од другите градови.
„Јавноста низ целата држава ќе има можност да ги чуе позициите на партијата за повеќе актуелни теми и предизвици, ќе се испратат јасни пораки за она за што се залага и за она што го планира партијата во наредниот период“, стои во соопштението од ВМРО-ДПМНЕ.
Влезот на настанот во салата „Борис Трајковски“ е бесплатен. Ќе говори премиерот Никола Груевски, а главна тема ќе бидат актуелните политички случувања во земјава.
