Одлука за зголемување на малопродажните цени на нафтените деривати во просек за 0,23 отсто донесе Регулаторната комисија за енергетика и водни услуги (РКЕВУ).
Согласно најновата одлука, дизел горивото и екстра-лесното масло за домаќинство поевтинуваат, додека бензините ќе имаат повисоки цени.
Малопродажната цена на Еуродизел се намалува за еден денар за литар, па од ноќеска на полноќ дизелот ќе чини 73 денари за литар. Екстра лесното масло поевтинува за денар и половина и ќе чини 72 денари за литар.
Од друга страна, цената на Еуросупер БС-95 се зголемува за еден денар, па бензинот со 95 октани од утре ќе чини 82 денари за литар. За денар и половина поскапува и Еуросупер БС-98, кој ќе се продава по цена од 84,5 денари за литар.
Повисока цена ќе има и мазутот, кој од полноќ ќе чини 37,628 денари по килограм.
