Еден од роднините на убиениот либиски лидер, Муамер ел Гадафи, предупреди дека во Европа за една-две години ќе се случи 11 септември, бидејќи на борците на Исламска држава им се приклучуваат десетина илјади мигранти, кои го преминуваат Медитеранот и стигаат до европскиот брег.
Ахмед Гадафи ел Дам, еден од безбедносните претставници во кој Гадафи имаше најмногу доверба, предвидува дека половина милион мигранти годинава од Либија ќе се упатат кон Европа, каде ИД добива сила.
– Меѓу нив има многу терористи, меѓу 10 и 50 на секои 1.000. Тие ќе се рашират низ Европа. За една-две години, ќе имате втор 11 септември – рече Гадафи ел Дам.
