Регулаторната комисија за енергетика и водни услуги на Република Северна Македонија (РКЕВУ) денеска донесе одлука за намалување на цените на дизелот и на мазутот.
Дизелот ќе поевтини за 2 денара за литар, а мазутот за 1,215 денари за килограм. Цените на бензините и на екстра-лесното масло за домаќинство нема да се менуваат со најновата одлука на РКЕВУ.
Од ноќеска на бензинските пумпи Еуросупер БС – 95 ќе чини 87,5 денари за литар, Еуросупер БС – 98 90 денари за литар, дизел горивото Еуродизел БС (Д-Е V) ќе се продава за 99,5 денари за литар, Екстра лесното масло (ЕЛ-1) за 97,5 денари за литар, а мазутот ќе чини 52,74 денари за килограм.
