Силен пожар гори во близина на Градскиот парк во Скопје. Зафатени се бараките во кои порано беше сместен судот за прекршоци. Во моментов на терен интервенираат пет пожарникарски возила, а засега нема информации за повредени лица.
Од пожарот под опасност е и спортската сала „Партизан“, хотелот и ресторанот кои се наоѓаат во непосредна близина на бараките кои горат. Во моментов се прават обиди пожарот да се стави под контрола и да не се прошири кон соседните објекти.
