Радисав Родиќ, сопственик на српскиот весник „Курир“, денеска соопшти дека поднел кривична пријава против поранешниот претседател на Србија и на Демократската партија, Борис Тадиќ, и против уште други 22 лица, бидејќи, како што тврди, сакале да му го одземат весникот со помош на „апсења и уцени“.
Родиќ соопшти дека кривичната пријава до обвинителството ја поднел за организиран криминал и оти очекува дека надлежните брзо ќе реагираат, пишуваат медиумите.
