Десет награди на интернационалниот ликовен фестивал за деца и за младинци, што синоќа заврши во финскиот град Хивинка, освои Детското ликовно студио „Св. Кирил и Методиј“ – Битола.
Коста Хаџиантоновски, раководител на студиото, вели дека освоените одличја ја дополнуваат исклучително успешната година на Детското ликовно студио „Св.Кирил и Методиј“, чии членови од секој меѓународен фестивал се враќаат со награда.
Членовите на детското ликовно студио „Св.Кирил и Методиј“ – Битола, кои воедно се учесници на ликовната колонија „Мал битолски Монмартр“, во текот на оваа година беа наградени на фестивалите во Кина, Португалија, Полска, Индија, Бугарија, Србија и во други земји, а наградените ликовни творби и одличјата ќе бидат претставени на посебен промотивен настан кон крајот на оваа година, потврди Хаџиантоновски.
