Поранешниот градоначалник на Општина Карпош и претседател на ГРОМ, Стевчо Јакимовски, утрово е уапсен, заедно со уште седум други лица. Двајца од приведените се вработени во Општина Карпош, а меѓу останатите петмина има и бизнисмени, дознава „Мета“.
Јакимовски и другите уапсени денеска треба да бидат изнесени пред судија на претходна постапка во Кривичен суд Скопје, потврдија од Јавното обвинителство. Повеќе детали ќе бидат соопштени наскоро.
Во август минатата година, Јакимовски беше приведен и му беа изречени мерки на претпазливост откако Основното јавно обвинителство го осомничи дека заедно со четворица соработници, злоупотребувајќи ја службената положба и овластувања го оштетиле буџетот на Општина Карпош за вкупно 36,63 милиони денари, овозможувајќи противправна корист на фирмите Алконпроект и С.М. Компани.
