Новата естонска коалициска влада денеска положи заклетва на церемонија во парламентот во Талин.
Кабинетот на премиерот Јуриј Ратас, кој го сочинуваат 15 членови, ќе ја замени владата на Тави Роивас, кој поднесе оставка од функцијата премиер бидејќи му беше изгласана недоверба во собранието.
Ратас кој е поранешен градоначалник на Талин, ја предводи тричлената коалиција во која се наоѓаат неговата Естонска партија, Социјалдемократската партија и конзервативната партија ИРЛ.
