Албанија е привремена дестинација за десетици бегалци чија намера е да пристигнат во Западна Европа. Група бегалци кои доаѓаат од Авганистан и од Иран беа блокирани на албанско-грчката граница.
Граничната полиција на Гирокастро соопшти дека блокирани се 14 бегалци од Авганистан и од Иран. Тие биле запрени од албанската полиција во близина на границата Какавија.
Бегалците потоа, според меѓународниот договор помеѓу двете земји, им беа предадени на грчките погранични власти.
Бројот на иранските бегалци кои одат накај Албанија е мал. Најголемиот дел од бегалците доаѓаат од Сирија и од земјите од Северна Африка.
Поголемиот дел од бегалците кои се обидуваат да влезат во Албанија се предадени на грчките власти, а само 34 беа прифатени и им се одобри престој во Албанија.
