Рускиот претседател Владимир Путин испрати телеграма со сочувство до турскиот претседател Реџеп Таип Ердоган по повод терористичкиот напад во градот Газиантеп, каде што загинаа најмалку 50 лица, соопшти денеска Кремљ.
„Злосторството за време на прослава, не шокираше со своите суровост и цинизам,“ пишувало во телеграмата на рускиот претседател.
Во неа, Путин исто така напишал дека „оваа трагедија е уште еден доказ дека е неопходно да се обединат силите на меѓународно ниво во борбата против тероризмот.“
Тој ја потврдил подготвеноста за силна анти-терористичка соработка со турските партнери како резултат на неодамнешниот постигнат договор.
Рускиот претседател изразил сочувство и дал поддршка за роднините и пријателите на жртвите, а посакал побрзо заздравување на повредените.
