fbpx

Гранатирани инфраструктурни објекти во Запорожје и Одеса

Вкупно 86 судири се случиле долж линијата на фронтот во Украина во изминатите 24 часа додека беснее војната со Русија, соопшти Генералштабот на вооружените сили на Украина

-

Руски проектили погодија индустриска инфраструктура во градот Запорожје, информира Регионалната воена управа на Запорожје, пренесува Укринформ. Утрово, руската армија лансираше балистичка ракета од привремено окупираниот Крим и врз инфраструктурен објект во областа Одеса.

„Руските терористички сили уште еднаш ја нападнаа индустриската инфраструктура на Запорожје, лансирајќи проектили“, напиша Иван Федоров, началник на управата.

Вкупно 86 судири се случиле долж линијата на фронтот во Украина во изминатите 24 часа додека беснее војната со Русија, соопшти Генералштабот на вооружените сили на Украина. Руските сили извршиле 11 ракетни и 78 воздушни напади на украинските позиции и на населените места. Погодени се голем број станбени згради и објекти од цивилна инфраструктура, а пријавени се и цивилни жртви.

Генералштабот на вооружените сили на Украина излезе со проценка дека вкупните борбени загуби на Русија достигнале 458.580 жртви. Тоа вклучува 750 војници и офицери убиени или ранети само во изминатиот ден. Украинските одбранбени сили уништиле и над 7.000 руски тенкови, над 13.000 оклопни борбени возила, 11.000 артилериски системи, 26 воени бродови и подморници, 15.000 возила и друга воена опрема.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Хеликоптер во кој патувал иранскиот претседател претрпи „тешко слетување“

Хеликоптер со иранскиот претседател Ебрахим Раиши претрпел „тешко слетување“, пишува Би-би-си. Министерот за внатрешни работи кажува дека спасувачите сé уште се обидуваат да стигнат до местото на несреќата поради тешките...