Лекарите на Клиниката за дигестивна хирургија во наредните три дена ќе работат само на итни случаи, а ваквата одлука, според директорот Александар Караѓозов, пренесува МРТВ, била донесена поради револт за начинот на кој медиумите известувале за вооружениот инцидент во кој беше ранет хирургот Љубомир Огненовиќ.
Караѓозов изјавил дека за одлуката добиле поддршка и од министерот за здравство, Никола Тодоров, со кој денеска имал средба.
Пациентите кои не се итни случаи, додека трае бојкотот на работата на лекарите на дигестивна хирургија, ќе се препраќаат во болниците „8 Септември“ и „Свети Наум Охридски“, пренесува „Канал 5“.
