Русија не се трка со никого во однос на вооружувањето, туку врши модернизација, изјави денеска рускиот претседател Владимир Путин.
– Русија нема намера никого да престигне, туку само мора да го дополни пропуштеното во 90-тите години на минатиот век, кога, поради лошата финансиска ситуација, први на удар се нашле вложувањата во армијата – рече Путин, додавајќи дека официјална Москва работи на ракетниот систем, кој ќе биде способен да го пробие одбранбениот штит што го подготвуваат САД.