Општина Пустец, за промоција на туристичките вредности на општината, почна да користи туристичко бродче.
На пуштањето во употреба присуствуваа градоначалникот Едмонд Темелко и жители на општината.
– Соларното бродче е заеднички проект на Општина Пустец, единствена на етничките Македонци во Албанија, и на Општина Преспа од Грција, потпомогнат од ИПА-фондовите на Европска унија за погранична соработка – вели за „Мета“ Васил Стерјовски, генерален секретар на Македонската алијанса за европско интегрирање.
