Бројот на починати од високата температура во Индија порасна на 1.826. Топлотниот бран трае веќе со недели.
Метеоролозите наведуваат дека топлотниот бран би можел да потрае уште најмалку два дена во поголеми делови на Индија, од државата Тамил Наду на југот до Химашал Прадеш во подножјето на Хималаите.
Најголем број лица починале од последица на дехидрација и од топлотен удар.
Првите монсунски дождови, кои ќе донесат освежување, се очекуваат во првата недела од јуни.